අපි අපේ වුන හැටි
පාඩම් පොතේ නිතර
පිටු අතර සිනාසුන
ඔහුගේ දසන් පෙළ
අමතක වෙලා මට....
තත්පරෙන් තත්පරේ
එව්ව කෙටි පණිවිඩ
නැවතිලා ඔක්කොම
අමතක වෙලා ඔහුට....
හොර ගල් ඇහිඳපු
සෙමින් ඉඟිබිඟි කරපු
පාසල් ප්‍රේමෙ ඉවරයි
හීන මාළිගත් ඉවරයි....
උපධිය ඔළුව උඩ තියාන
ඉන්නවා අපි සරසවි දෙකක
ඔබ අලුත් පෙම් ලොවක
මම මගෙම ආතල් ලෝකෙක....
සරසවි යන්න පෙර
දහසක් පොරොන්දු මැද
එකට තැබු හදවත්
අපිම හොරෙන් අරගෙන....
ඔබ දන්නෙ නෑ
ඔබ එතන නැතිවග
ඔබට මතකත් නෑ...මම?
ඔබට නොදෙවෙනි නෑ....
