ඔබ එනවද මට කියන්න
යෝධ කඳුපන්ති නිල් අහස්කුස සිපගන්න
පවුරු බැඳලා වගෙයි කුල රජුන් රැකගන්න
නිති වැටෙන පොඳ වැස්ස මිහිතලය නහවන්න
කහ දියර ඉසිනවද රජුගෙ පා පිළිගන්න
පවුරු වැට පැනන් ආ ඔටුනු හිමි කුමරාණ
දුටුවාද නූතනයෙ අසොක්මල් බලනුමැන
මුහුණ දිය යුතු දිවියෙ ඇත බොහෝ ලැබගන්න
එදා සාලිය ලෙසින් නොහැකිවෙයි පැනයන්න
පැතුම් පොදි ගුලි කරන් ඇය හිදී මගබලා
එනතුරා ගෙන යන්න මගුල් රථ පිරිවරා
කඳු ශිකර පසු කරන් ඔබ ඒද කල්බලා
දිවිතුරා ළඟ ඉන්න ඇතිද පෙර පින් පුරා