ආදරයට අත්තටු ඇවිත්..........
අත්තටු විත් මගේ හිතට
හදයි ඔන්න ඉගිල්ලෙන්ට
ආදරයෙන් ඔබේ ළඟට
එහෙත් ළඟයි විභාගෙ මට...
පාඩම් පොත් පිටු ගානේ
අකුරු අතර මැවී පෙනේ
නිදි කිරනා රෑ පානේ
ඔබේ සුසුම් මටත් දැනේ...
ළඟදිම මුනගැසෙන දිනදි
කියන කරුණු තිබේ සුසැදි
එනමුදු ඔබ දකින විටදි
මතකය දිවයාද නොරැඳි...
කඳුළු කොහේදැයි නොහැඟෙයි
දුක සෝකය මම නොදනියි
ඔබෙ ළඟදි හරි පුදුමයි
මුළු ලොව මට මගේ තමයි...
No comments:
Post a Comment